A UEFA European Football Championship coñecida como a Eurocopa de fútbol é a competición de seleccións nacionais de fútbol que organiza a UEFA. Dispútase cada catro anos dende 1960. Hai tamén unha Eurocopa de fútbol feminino que comezou en 1984 e que dende 1997 celébrase tamén cada catro anos.

Ata 1976, só catro equipos se clasificaban para o torneo final, número que aumentou a oito en 1980 e a dezaseis en 1996, que fica ata hoxe. O equipo do país que alberga o campionato clasifícase automaticamente, namentres que os demais, incluído o campión, teñen que xogar unha fase previa.

O Trofeo Henri Delaunay, é chamado así en honra a Henri Delaunay, o primeiro secretario xeral da UEFA e ademais o creador da competición. Nunca puido chegar a presencia-la xa que faleceu cinco anos antes de disputarse o primeiro torneo en 1960.